2025 ж 01 желтоқсан күні Ынтымақ жалпы білім беретін мектебінде 1–11 сыныптар арасында бірыңғай «Есірткісіз балалық шақ» тақырыбы және жол қауіпсіздігі ережелері бойынша ақпараттық-түсіндіру жұмыстары (1–4 сыныптарда – ЖЖЕ, 5–8 сыныптарда – ЖҚЕ) сынып сағаттары өткізілді.Сынып сағатының алғашқы бөлігі «Есірткісіз балалық шақ» тақырыбына арналды. Сабақтың мақсаты – оқушыларға есірткі заттарының адам денсаулығына тигізетін зияны туралы түсінік беру, зиянды әрекеттерден аулақ болуға шақыру, салауатты өмір салтының маңыздылығын ұғындыру болды. Іс-шара тәрбиелік тұрғыдан оқушылардың жауапкершілігін арттыруға, дұрыс шешім қабылдауға, жаман әдеттерге қарсы тұра білуге бағытталды. Сабақ барысында түсіндіру, сұрақ-жауап, бейнематериалдар көрсету, топтық талқылау, пікір алмасу және жағдайлық тапсырмалар сияқты әдістер қолданылды.Келесі бөлім – жол қауіпсіздігі ережелеріне арналды. Бастауыш сыныптарда (1–4 сыныптарда) ЖЖЕ бойынша, ал 5–8 сыныптарда ЖҚЕ бойынша түсіндіру жұмыстары жүргізілді. Бұл сабақтардың мақсаты – оқушылардың жолда жүріс-тұрыс мәдениетін қалыптастыру, жол белгілерін білуге үйрету және қауіпсіздік ережелерін дұрыс қолдана білуін қамтамасыз ету болды. Тәрбиелік мәні – оқушылардың қоғамдық тәртіп пен жеке қауіпсіздікке жауапкершілікпен қарауын дамыту. Сабақтарда көрнекіліктер пайдалану, бейнероликтер көрсету, практикалық тапсырмалар орындау, рөлдік ойындар және ситуациялық талдау әдістері қолданылды.Сынып сағаттарының соңында барлық сыныптарда қосымша 10 минуттық қауіпсіздік нұсқаулығы өтті. Онда қысқы кезеңдегі қауіпсіздік талаптары, мектеп ішіндегі тәртіп, интернеттегі қауіпсіз мінез-құлық және тұрмыстық жарақаттардың алдын алу туралы қысқаша нұсқаулық берілді.Өткізілген сынып сағаттары оқушылардың қауіпсіздік мәдениетін арттыруға, салауатты өмір салтын қалыптастыруға және жеке жауапкершілік сезімін дамытуға бағытталған маңызды тәрбиелік іс-шара ретінде жоғары деңгейде ұйымдастырылды.