Ынтымақ жалпы білім беретін мектебінде 2026жылдың 25ақпан күні директордың оқу ісі жөніндегі орынбасары А.Б.Шегебаева ақпан айының кезекті білім сапасын арттыруға кедергі келтіретін факторларды анықтау, дарынды және үлгерімі төмен оқушылармен жұмысты жетілдіру, мұғалімдердің әдістемелік шеберлігін арттыру және оқу үдерісін ұйымдастырудағы өзекті мәселелерді талқылау мақсатында Әдістемелік кеңес отырысын өткізді.Отырыстың күн тәртібінде қаралған мәселелер:

Күн тәртібінде қаралған мәселелер бойынша төмендегідей жұмыстар жүргізілді:
1. «Сапалы білімге кедергі келтіретін факторлар» тақырыбында директордың оқу ісі жөніндегі орынбасары А.Б.Шегебаева дөңгелек үстел ұйымдастырып, білім сапасына әсер ететін ішкі және сыртқы факторларды талқылады. Педагогтер өз пікірлерін ортаға салып, ұсыныстарын білдірді.
2. «Дарынды және үлгерімі төмен оқушылармен жұмыс» тақырыбында математика және физика пәндерінің мұғалімі А. Шынарбек өз іс-тәжірибесімен бөлісті. Ол оқушылармен жеке жұмыс жүргізу тәсілдері, қосымша тапсырмалар беру, саралап оқыту әдістері туралы баяндады.
Әртүрлі мәселелер бойынша:
а) «Эссе жазу элементтері» тақырыбында қазақ тілі мен әдебиеті пәнінің мұғалімі Қ.Н. Елеусизова эссе құрылымы, тақырыпты ашу жолдары, ойды жүйелі жеткізу тәсілдері бойынша түсіндірме жұмыстарын жүргізді.
ә) BilimClass электронды журналының толтырылу жағдайы мен енгізілген өзгерістер туралы А.Б.Шегебаева ақпарат беріп, мұғалімдерге нақты нұсқаулықтар ұсынды.
б) Таңдаулы пәндердің жүргізілуі туралы А.Б.Шегебаева хабарлама жасап, олардың сапалы ұйымдастырылуына тоқталды.